Im Wald im schöne grüene Wald
han ig es Plätzli wo mir gfallt
ig lige dert im weiche Moos
u luege u schtune bloss.

ig lose wie der Vogel singt
u ou wie s'Bächli luschtig springt
u d'Chäferli und s'Müggli chli
die sümmeled verbi.

U d'Spinne mit de länge Bei
die chraxlet über Moos und Stei
u s'Schnäggli chrücht äm Pilzli nah
s'wett öppis z'Ässe ha.

Doch öppis gfaut mir bsunders guet
wenns i de Tanne rusche tuet
u s'Eichhörnli ganz still versteckt
sis Näsli füre streckt.

chinderliedli.ch